今日又係返工，要7點幾起身。。。因為返10點>.<好耐都冇試過朝早搭車時會瞓死咗，幸好有家姐一齊搭車，冇佢叫醒我，我應該可以瞓到總站！呢排真係好攰好攰∼
今日雖然好靜冇乜生意，但 Louisa 返咗嚟陪我，時間眨吓眼就過∼好懷念以前有佢響到陪我同等我收工，佢走咗之後我返親寫字樓就好悶，所以今日佢返咗嚟，我真係好開心，兩個人又玩到癲咗！
收工之後，我就搭巴士落銅鑼灣等我 bb chu 收工，可能呢排真係太攰，我好想揾地方坐，唔想四圍行，最後我響等佢�H時間，去咗誠品坐定定睇書，突然覺得自己真係好文靜，哈哈……（其實咪又係睇旅遊書）
今晚有人同我一樣好攰，但佢帶我食完嘢，依然同我行咗一陣，兼且玩得好癲∼有佢響身邊緊張我、陪我傻，我真係覺得好開心！聽晚我哋都一齊收6點，可以早啲見，又可以一齊行街街喇！
分類: 我們的生活點滴 |
