今日係休息日，真係好又可以瞓到十二點先起身，不過尋晚唔記得熄閙鐘，今朝8點就俾鬧鐘嘈醒過，幸好最後都瞓得番∼醒咗第一時間 whatsapp 我�H bb ，食埋嘢之後，又敵唔過周公急 call 叫開枱，結果又瞓番∼
今晚有人本來話7點幾返到，但最後就遲咗。。。不過唔緊要啦！最緊要個人返咗嚟就得，今晚我哋響海怡食飯，有人好就我，我全程唔洗用手食雞，因為有人喂我食，兼且仲帶我去百佳買嘢食添！
其實每次佢帶我去買嘢食，我都好鍾意揀到成手都係嘢，個傻佬最後都冇我乎，續樣續樣幫我擺，佢每擺一樣，我又拎另一樣，我唔係要樣樣都買，只係想佢同我玩，好開心架！但每次玩完，我都只揀一樣嘢食，因為我唔捨得要佢嘥咁多錢嘛！之後我哋返咗屋企二人世界，攬住佢瞓咗陣，真係好舒服！
分類: 我們的生活點滴 |
