今日返康怡，而啲人就放假，我好想同佢一齊放假，就算只係響屋企過，我都好想同佢一齊放呀！依家基本上我返工佢就放假，又或者係我放假，佢就返工！就算原本約定�H假期，到最後都係冇咗∼
今日成日都望住個電話發呆，好掛住佢。。。但等嚟等去都等唔到佢揾我，又或者要等好耐佢先覆，到最後先知原來佢出咗去！其實我好怕乜都唔知，我真係好易亂諗嘢！
今晚收工要自己返去，起初以為佢會嚟接我，但最後都係冇！不過有人話好掛住我，叫我快啲返去！返到去佢帶咗我去食嘢，之後就響樓梯口坐咗一陣∼當我知道佢星期五又應承咗返工，我忍唔住發憫陣，因為已經係第三個星期係咁喇！我真係等同你一齊放假，等到好憫。。。最後當然冇得揀，佢堅持要返工，但就應承我星期六陪番我！
低能仔，我知道我哋每日都會見，可能你會覺得因此而唔需要特登一齊放假，但你又知唔知，每晚我哋見面唔係你放工就放學，每次你都會好攰，每次都掛住部電話，好快就冇嘢同我講，甚至好快就對我唔耐煩。。。兼且你好似已經好享受自己一個人放假，每次咁樣其實我覺得唔開心架！我都會想放假有你響身邊，唔係陣係得執屋同煮飯。。。
分類: 我們的生活點滴 |
