今日原本要好早起身去交收，但個傻豬知我今日放假，唔想我咁早起身出去，就特登幫我去，等我可以瞓晏啲！結果我1點先起身∼
今日醒咗我就係咁諗今晚煮啲咩餸？因為想佢有住家飯食，最後響 Facebook 見到有個豚肉鵪鶉蛋生菜芝士卷，就即刻諗都冇諗買材料喇！我唔想成日煮嚟煮去都係嗰啲，點都要煮啲新嘢，如果唔係點留得住佢個胃呢？
今晚佢8點幾就返到，但我整埋啲嘢成9點先過到去∼有人陪我睇“紀念日”，仲攬住我瞓添！低能仔，或者你會好奇怪，點解我今晚好似好唔同（我唔夠膽用温柔形容自己，我怕你會嘔，哈哈）其實因為你星期六放假陪我，我覺得好開心！所以我先變番你初初識嗰個低能妹，講嘢會陰聲細氣，成日都笑，享受你攬住瞓嗰個低能妹！
分類: 我們的生活點滴 |
