尋晚瞓得好差，成晚都係咁咳。。。咳到冇乜點瞓過∼咳到喉嚨好痛！今朝頂唔順請咗病假，咳到開始抖唔到氣，如果今日都唔睇醫生，旅行前應該都冇乜時間去睇。。。我要健健康康咁同低能仔去日本！
有人朝早知我請咗假，就同我 whatsapp 咗一陣，要我乖乖哋留響屋企休息，睇醫生同食藥！我同爸爸食完嘢之後，兩父女一齊去睇同一個醫生，真係冇陰公！連啲藥都一模一樣架。。。
今晚得我同爸爸兩個病人響屋企，原本諗住一齊開交響樂外，仲煲粥一齊撐枱腳，其實餸已經買好，但個人攰到冇力起身，結果我哋兩個齊齊響房大覺瞓∼只係落街買咗外賣返嚟，當然我都有買定俾我隻衰佬啦！
有人收工就返咗嚟。。。唔知點解我覺得佢好陌生，我哋見咗一個鐘都冇就走咗！或者因為我唔舒服先咁啦∼
分類: 我們的生活點滴 |
