尋晚又係咁咳。。。咳到今朝都冇停過，兼且尋日響公司整親隻手，今日郁唔到，擰左又唔得，擰右又唔得∼爸爸見我咁就嗱嗱臨帶我睇醫生，一個朝早睇晒中、西醫∼
睇完醫生就返咗去揾低能仔，有人一見到我包住隻手先知我整親！其實我今朝專登唔講佢知，因為我唔想佢擔心我∼不過見佢咁心痛�H樣，乜都抵番晒啦！食完嘢同買完日用品之後，我哋就返咗屋企。。。原本有人諗住今晚帶我去行吓，但爸爸今晚要拎報告，所以最後佢自己出去，搞掂啲嘢先返嚟陪我！
爸爸報告終於都拎咗，幸好乜事都冇。。。只係感染到一隻菌，而我都感染埋！原來佢一早已經打定輸數可能係肺癌，但最擔心同放唔低�H係我。。。因為我由細到大身體都唔好，佢怕佢有乜嘢事，我就冇人照顧，兼且怕我照顧唔到自己！聽完之後，我的確覺得好感動，可能細個同佢關係唔好，到大咗我癡佢係多啲，依賴佢亦係多啲！爸爸真係老咗好多。。。我係時候要照顧返佢，同佢去玩吓，陪佢多一啲！旅行返嚟要更努力揾工至得∼
分類: 我們的生活點滴 |
