今朝一早爸爸就叫醒我去食嘢同睇跌打，其實隻手今日已經好番好多，起碼已經郁得番先∼不過醫生話仲好腫囉！
睇完醫生就嗱嗱臨返工，晏晝除咗個蛋膠之外，就乜都冇食過喇！諗住等埋低能仔夜晚收工先一齊食∼整親隻手返工其實好唔方便，有好多嘢都要人幫……幸好今日家姐同 win win 大部份時間都響到，加上阿森又等埋我收工，所以今日返工都唔算好麻煩，不過個個都叫我小心啲阿森對我咁好，我自己反而乜都冇諗，只係想有人都會緊張！
收工後我就返銅鑼灣等低能仔，有人已經企咗響 sogo 門口，我襯佢唔為意就走去攬實佢，哈哈。。。食完飯我哋就去咗 plan 大阪�H行程，不過我又不停咳，仲要好難先停到∼見到佢見我係咁咳，個樣好似好唔耐煩咁，嗰一刻我好無奈，因為有少少感覺好似被人嫌棄咁，亦都會諗當佢不停咳同打乞嗤時，我都未試過有呢種反應。。。
搞掂晒啲嘢我哋就返去，途中我冇乜講過嘢。。。一來我怕自己又會咳，二來我怕大家又會唔開心，真係有少少難適應呀！
分類: 我們的生活點滴 |
