已經嚟到第三日喇！今朝有人好準時就起身，真係乖∼不過夜晚依然都係唔俾被我冚囉！
今日我哋首先去咗黑門市場，好開心呀！食咗好多嘢。。。有我最愛�H壽司、小丸子，仲有我好想同佢試�H和牛。。。我哋影咗好多相，行咗好多地方∼最開心係我身邊有佢！去完黑門市場，我哋返去擺返啲嘢就再去梅田，雖然尋晚都有嚟過，但就有好多嘢都未行！今晚終於都可以行咗想行�H地方，買到好多想買�H嘢。。。
去完梅田都已經十點，有個傻人陪我去埋心齋橋，嚟到呢到我哋兩個都傻咗，我哋走咗去夾公仔。。。有人夾大 bello 比我�H時候，佢話如果真係夾到，我就要一世都跟住佢、嫁比佢！望住嗰隻嘢真係好難夾，但個傻佬真係好堅持，最終真係比佢夾到。。。我開心到即時攬住佢，唔係因為隻公仔，而係佢話夾到就要我嫁比佢一世呢句說話！低能仔，我愛你呀！！
玩完我哋就去宵夜“四天王拉麵”，今次嚟旅行，我哋總算每餐都試到唔同�H嘢∼希望嚟緊嗰幾日都可以試其他嘢啦！今晚我哋仲去埋“激安殿堂”到睇嘢∼行到成點先返去，我諗你一定好攰，希望休足睡眠會令你舒服啲啦！
分類: 我們的三週年甜蜜之旅... |
