最後一晚響日本，聽日就要返香港喇！好想呢個假期繼續落去，或者應該話好想可以同低能仔一直生活落去！同居生活呢幾日，係我最幸福，但亦有唔開心�H時候∼
今朝我依舊自己起身先，搞掂埋自己啲嘢，收埋晒同摺好啲衫先叫醒佢，不過個傻佬又係唔願起身，走過嚟攬住我瞓響我隻腳繼續瞓，佢呢個樣真係睇極都唔厭！
今日我哋響梅田食 lunch先，我哋去咗一間 cafe 食咗個好好味�H意粉“三文魚子海膽意粉”……好味程度係我成碟食晒呀！食完嘢我哋就向京都出發∼京都 we're coming ！！
由大阪駅去京都�H時間唔係好耐，只係需要35-44分鐘。。。京都真係好靚∼我哋去咗清水寺，不過要行好多路！但我都要堅持上去，因為嗰到求姻緣會好靈驗，我好想我同低能仔�H感情可以一生一世，所以無論如何我都要去嗰到∼去到清水寺我除咗買咗幾個平安符之外，我仲買咗個許願�H木牌仔，雖然唔知寫晒啲願望上去係咪會實現，但我都好想試吓！不過寫完之後，我哋跟住就好唔開心。。。我之後就再冇講過嘢∼
去完清水寺，我哋就響京都付近行，終於都有啲嘢啱佢行，我一直都好想陪佢行啲佢鍾意�H嘢。。。夜晚就食 shabu shabu！因為同嗰到啲人溝通出現問題，本來低能仔叫可樂俾我，但最後變咗 long island ，好耐都冇飲過喇∼真係有啲頂唔順，今次冇想除鞋，但就攬住佢喊咗出嚟。。。其實我係好唔開心，覺得自己好似已經唔能夠再令佢開心同 care 喇∼去完京都就返番大阪駅，我哋兩個買完手信，就返去 pack 行李。。。最後聽日希望可以開開心心咁過埋去！
分類: 我們的三週年甜蜜之旅... |
