尋晚食咗啲藥後，其實已經好眼瞓，不過又一直咳到兩三點先有得瞓，今朝又要返寫字樓，所以攰上加攰∼
有人今日都放假，我諗住佢會瞓晏啲，點知都係十點幾就醒咗。。。不過今日啲人好好呀！同我 whatsapp 咗一陣之後，專登再 whatsapp 問我啲咳有冇好啲？個傻佬好耐都冇對我咁上心，因為正如佢講我成日都病，佢都好似習慣咁。。。所以今日佢咁細心，我真係好 sweet ∼
今晚收工有人嚟咗接我，個傻佬今晚對我真係好好∼佢帶咗我去黃家沙食飯，佢做咗一樣嘢令我覺得好冧∼我本來想響碗麵到加啲豆板醬，點知佢好大聲喝住我話我咳，唔俾我加啲豆阪醬落碗麵到∼嗰一刻我真係覺得佢好緊張我，我覺得好冧！
食完飯有人服侍埋我食藥，就同我行咗一陣∼搭地鐵返去時，因為冇位坐又攬實我，見到側邊啲人太嘈，又用手遮實我耳仔，其實呢個傻佬要細心起上嚟，真係可以好細心∼希望呢一世我同佢都可以咁恩愛！
分類: 我們的生活點滴 |
