尋晚終於都瞓得好一啲，冇半夜不停咁咳，可以一覺瞓到天光∼加上今日返銅鑼灣可以瞓晏啲，真係爽呀！
今日係啲人�H第三日假期，個傻佬一早起身同我去食早餐，我買定早餐等佢，而佢就切好晒餵我食，跟住就送我去搭車返工，美好�H一日就咁就開始嗽！
今日好忙，因為要鋪頭同展銷兩邊睇，我諗今日來來回回行咗超過30次，雙腳攰到好似唔屬於我咁！不過都好�H，時間眨吓眼就過，好快就到收工∼
有人今晚好準時嚟咗接我，仲帶咗我最愛�H住多啤梨朱朱力，同好浪漫�H心形蜜桃糖嚟接我，但最令我覺得冧�H係，佢一見到我就攬實我，冇理我身邊有同事望住∼就連搭扶手電梯都攬到我好實！
食完飯有人同我行咗一陣，仲買雪糕俾我食。。。去到優品360我諗緊買朱古力威化定薯條，個傻佬又好大聲喝住我，兼且搶咗包朱朱力唔俾我買，佢話我咳緊，朱古力會野痰∼嗰一刻我真係呆咗，仲乖乖哋聽佢話唔買，因為我覺得好冧！最後我揀咗栗米片同薯條，本來有人話買俾我，但今晚佢已經買咗兩樣零食同雪糕俾我，我又點捨得佢再洗錢呢∼低能仔，多謝你呀！
分類: 我們的生活點滴 |
