今日休息日，一早起身就去咗睇醫生同整指甲，我終於都擺脫到我個半月冇整過�H指甲喇！
整完指甲有人就出嚟接我，兼且帶咗我去食嘢∼食完嘢我哋就一齊返咗屋企∼好耐都冇二人世界，響屋企攬住一齊瞓、一齊傾計……我好鍾意兩個人簡簡單單咁二人世界，好想佢個心只係得我一個！
四點幾我哋去咗灣仔，因為有人要交收！加上今日落大雨，原本諗住去西灣河，最後都係改期！搞掂晒啲嘢，我哋就去深水埗行街食飯，雖然今日陣係睇佢想睇�H嘢，但我都好開心，好似好耐冇同佢一齊放假行街！
不過食完飯都有啲唔開心，其實我記得佢今晚約咗人8點交收，食飯�H時候我都已經大約估到餐飯幾點會食完，我一直都有留意時間，我已經諗好係叫佢走先，我自己去旺角，因為我知道佢拖住我，我只會阻慢佢�H時間（亦因為咁我先唔鍾意佢陪我嗰日會有交收）∼但佢食完飯塊面黑晒。。。嗰刻有啲無奈，因為我根本唔知發生咩事！
搞掂晒啲嘢，我哋響旺角行咗一陣就走！其實呢排佢對我真係好好。。。我覺得好幸福架！但人有時真係好奇怪，當佢對你好，當佢對你做咗啲佢平時唔會做�H嘢時，你又會開始驚佢係咪對其他人做開，習慣咗咁做，所以對住自己先咁自然做出嚟呢？又或者我係好驚我�H幸福係同人分享緊。。。
分類: 我們的生活點滴 |
