尋晚食咗啲藥明明好攰，但因為心跳手震得好緊要，搞到好難先瞓得著，所以今朝起身真係有啲辛苦∼
今日返寫字樓，又係返貨�H日子，不過就唔算太忙，我諗最忙應該係人事上�H事！但其實都唔關我事，唔知點解個個都走嚟揾我∼我都係選擇番做自己，聽完就算。。。始終事不關己，己不勞心！
有人今日都要返工，但就好忙冇乜點揾我，我好掛住佢、好想嗲佢∼或者因為今日食完藥個人好攰，同埋隻右腳不停抽筋，所以好想好想佢響我身邊攬住我！收工之後，我就返番銅鑼灣等佢，啲人一見到我就攬實我，兼且仲比我嗲到佢帶我去食麥當奴添呀！個傻佬好好，仲叫咗雪膠比我食。。。
食食吓嘢時，佢見到我有條白頭髮就幫我“蚊”走去，跟住仲不停睇我個頭仲有冇其他，嗰一刻我真係好驚，好驚佢會介意！坦白講我自己其實有壓力，成日好怕襯唔起佢、怕佢會揀過另一個，始終佢條件真係好好，兼且我真係好愛佢！
食完嘢有人帶我行咗一陣就返去，但我食咗啲藥吽吽哋，同埋隻右腳抽筋到好痛，搞到呆呆哋！不過啲人一上車就攬住我，俾我挨落佢到抖吓。。。仲送埋我返屋企添呀！
希望以後都可以好似依家咁幸福一直到老！
分類: 我們的生活點滴 |
