今日係爸爸節，七點幾就起身準備出去同爸爸、阿麻佢哋落灣仔飲茶∼臨出去飲茶之前，爸爸帶咗我返去佢公司，種感覺好特別！
記得響我小學�H時候，爸爸都帶過我返工，當時佢公司仲未搬去黃竹坑，而係仍然響田灣。。。嗰時爸爸好錫家姐，冇乜時間理我，所以可以癡住爸爸係一件好開心�H事∼去到佢公司佢個個同事都對我好好，特別有一個女人對我特別好，仲帶我落街買嘢食，嗰一刻好開心，除咗有嘢食之外，仲係爸爸對我又攬又錫�H一日，但點知原來嗰個女人，就係爸爸背後�H情人！
去完爸爸公司放閃後，我哋就去灣仔飲茶。。。今日叫咗好多嘢食，好多都係我鍾意食�H嘢，假如低能仔都可以一齊同爸爸慶祝咁就好，我好想以後可以多一個人一齊孝順爸爸！飲完茶我就買埋餸返咗屋企瞓。。。
夜晚我同爸爸落咗香港仔食飯，而啲人原來返旺角，但又冇講低。。。結果食完飯我怕趕唔切煮飯，就嗱嗱臨趕返去煮。。。點知原來佢收9點，嗰一刻有啲無奈，因為我乜都唔知！佢收工後就返咗嚟食飯，服侍佢食完飯，我哋就一齊睇咗陣電視同幫佢按摩咗陣，我就返咗屋企。。。聽日就係我哋37個月喇！
希望佢今晚早啲休息，聽日可以精精神神咁過我哋�H37個月啦。。。
分類: 我們的生活點滴 |
