今日返寫字樓，8點幾就起咗身，而啲人今日繼續放假，不過佢8點幾醒過，但冇揾過我，嗰一刻有啲無奈∼我都想有人醒咗第一個諗起我，就正如佢要我醒咗一定揾佢一樣！
今日返工心情都麻麻，一來個人覺得攰，左邊面又痛到食唔到嘢！二來響公司又唔係做得太開心，時間過得特別慢咁，但一諗到今晚有人應承我嚟接我放工，我就精神返啲∼
今晚等咗好耐都見唔到啲人嚟，直到收到佢 whatsapp 先知啲人遲到∼唔開心實有，因為每次都要等！但諗到自己都仲會覺得因為咁而唔開心，都覺得有啲感恩先，起碼我唔係對呢個人已經習慣咗，又或者已經死咗心先！
今晚我哋去咗 apm 食飯，因為我食唔到嘢�H關係，我好想食啲易吞啲�H嘢，我哋就去咗食烏冬∼我好想佢食好啲同飽啲，所以我叫咗碗烏冬都係佢鍾意食�H餸……今晚其實我好攰又好痛，我怕佢亂諗嘢，我已經不停揾嘢講，但食到咁上下我真係痛得好緊要，連嘢都食唔落，我真係好驚佢會擔心，所以繼續死撐。。。
食完飯行咗一陣，我哋就搭車返去，響地鐵我已經攰到唔想郁，加上真係好痛！點知啲人問我係咪攰，我答完佢係之後，佢塊面仲黑過我！之後我哋再冇講過嘢∼其實我已經覺得自己最近做乜都已經好似係錯咁，嗰種感覺真係好難受！再望住佢塊面黑晒，好緊張咁睇二手嘢�H時候，我突然響到諗“係咪真係唔適合呢？”兼且諗起 apm 嗰個男仔唱自己作嗰首歌。。。
分類: 我們的生活點滴 |
