今日返寫字樓，又要一早起身！平時鬧鐘一響，我就會即刻起身。。。但今日我竟然想唔郁∼因為呢兩晚瞓到半夜都會頭痛到醒咗，搞到個人根本唔夠瞓！
有人今日要教班，一早就起身整 notes ，上完堂又要趕返工，陰公豬，一定攰屎你呀！而我今日響公司都好忙，一有嘢做就做到冇停手！加上唔知做乜，今朝食完個早餐之後，一直都冇胃口，連午餐都冇食過直到收工！
收工之後，我就搭車落旺角接我 bb 收工！今晚啲人帶我去101食飯，不過我個胃唔係好舒服，食咗啲嘢就覺得胃痛，冇胃口再食落去！食完飯啲人帶我行咗一陣，幸好我身邊有佢響到，每逢我攰、我唔舒服，只要有佢，我就覺得乜都舒服晒！
分類: 我們的生活點滴 |
