今日返寫字樓，但一起身都覺得好似玩緊氹氹團咁，我就決定返遲兩個鐘，食多兩粒藥瞓多陣先返工！
今日好忙好忙。。。忙到低能仔打俾我，我都只係講得兩句就要收線！其實我唔捨得。。。我好想同佢講多兩句架！眨吓眼就收工，不過遲咗收，結果就嗱嗱臨趕去銅鑼灣揾佢∼一見到佢就忍唔住嗲佢，因為我真係好攰！
食完飯有人帶我去 sogo 行咗陣，兼且佢要食甜品“魚形餅”……見佢咁好請我食飯，我緊係請番佢食“魚形餅”啦！只要佢鍾意，我就乜都冇所謂架喇。。。之後我哋就去咗 Jason ，我想佢買定麵包響袋，咁聽朝就算佢唔知醒，都唔使驚佢又捱肚餓，其實佢每次捱肚餓我都會好心痛，我唔想見到佢咁！
有人同我講聽晚佢舊同事約食飯，佢唔知去唔去好？當我叫佢去�H時候，佢好似有啲愕然。。。傻佬，其實只要你好似呢兩日咁對我好，俾到足夠�H安全感我，我真係冇乜所謂架！假如你真係想去你就去啦！
分類: 我們的生活點滴 |
