放假喇。。。今日終於都放假喇！今朝我瞓到十二點幾，bb 就打嚟叫醒我，真係好，一瞓醒就聽到佢把聲，但如果係見到佢響隔離，我會更幸福！
今日原本我哋去睇小丸子，但時代嗰間原來係唔收換票証架！最後我哋食完嘢就去行街，不過今日有啲特別，我哋行街係買嘢比阿麻，因為有人今晚同我一齊過去做節，嘻嘻。。。
拍咗拖咁多年，今次係佢第一次以我男朋友身份同我一齊返去食飯，個傻佬買咗盒月餅比阿麻，揀�H時候我都偷食咗幾舊試食，好好味！今晚阿嬸特登煮啲啱佢食�H餸比佢，又煲咗湯添！其實我覺得好開心，因為我啲屋企人都會重視佢。。。今晚我本來都怕佢會唔鍾意我屋企人，不過見到佢哋有講有笑，我就放心喇！呢餐飯我真係食得好開心，好想以後都可以有佢響隔離！
食完飯我哋就落咗海怡睇戲，終於都睇到小丸子喇！我之所以咁鍾意小丸子，係因為我覺得每次見到呢隻公仔都會好似冇晒壓力咁，睇到呢套卡通只有笑，令人好放鬆！當然我都覺得自己有啲似佢，一樣咁大頭蝦，一樣咁懶瞓，一樣咁低能。。。
睇完戲我哋又因為二手嘢而唔開心，低能仔，我真係好怕我哋又會變番好似之前咁，我明白有時差一分鐘就真係差一分鐘。。。不過眼見之前我哋已經因為呢樣嘢而搞到差啲分開，我真係唔想再咁。。。我重視你先會更想你明白我諗乜咋∼
分類: 我們的生活點滴 |
