今日返寫字樓，又係好早就起身，但個人依然好攰好攰。。。有人今朝十點幾就打電話俾我，睇吓我覆診有冇事？不過我今朝太攰唔知醒，我冇去到覆診∼點知啲人叫我今日唔好返，仲話出埋今日糧俾我，就係要我返去覆診∼我當然唔肯啦。。。平時拎佢啲錢玩吓就會，我邊捨得拎佢啲錢，佢揾錢咁辛苦。。。最後我都係返咗工∼
今日返貨好忙，個人更加攰。。。但幸好有個傻佬下晝打咗個電話俾我，如果唔係我一定會癲！整嘢整到咁上下，我塊面又開始痛，阿容就叫我去食咗藥先再做過，當塊面痛�H時候，其實我有啲沮喪架。。。不停響到諗點解會咁？我陣係想健健康康咁生活！
收工後我就搭車落旺角接啲人收工，個傻佬叫我上埋去等佢。。。今晚我哋只係食完飯就行去搭車返去！響車�H時候，我攰到攬住佢瞓，攬住佢永遠係最舒服�H時候！不過我應該瞓到佢好唔舒服。。。今晚有個傻佬響我IG like 晒所有相，我睇到有6×個♡即時呆咗，正傻佬嚟架！你唔好陣係 like 喎，要留意埋我講乜架喎。。。不過我已經好冧喇！
分類: 我們的生活點滴 |
