尋晚瞓得好差。。。今朝7點起身返工，個人好似飄吓飄吓咁∼企響到都瞓得著！結果出到觀塘食早餐時，要叫杯咖啡飲，其實我唔鍾意飲咖啡架！好苦呀。。。
今日返工唔算太忙，我有好多時間中眼瞓，但兩點幾�H時候，boss 突然打番嚟，原來佢溜咗張訂單冇出貨，本來諗住 call gogo van 送過去，但個客趕住啲貨開張，boss 就想我親自送過去，因為送貨地點就響黃竹坑，仲要有免費的士坐過去，兼且送完貨仲可以收工添，咁我就慳咗程671�H車費，同賺咗兩個鐘頭人工，嘻嘻。。。不過唯一唔開心�H係，啲人又接唔到我放工！
拎住嗰幾箱桃同提子真係好辛苦，雖然有架小型車仔俾我，但都好（喱hea）……冇估過原來仲要行一層樓梯先到，送完貨已經散晒！幸好爸爸響對面大厦返工，咁佢就落嚟接我，幫我拎番架私家車返屋企先，咁我就可以即刻出去接啲人收工！
出到去我搞掂埋打針啲嘢，等咗一陣啲人就嚟，我哋去咗食嘢。。。食完嘢行咗一陣，我又突然好肚餓，食完 cupcakes 之後，又走去食咗個炸雞柳餐，幸好啲人肯同我些牙啫！或者因為今日冇食過藥，所以有番胃口啦。。。不過打完針個人好攰，隻右腳又好痛！睇嚟今晚都係要休足時間至得∼
今晚發生咗啲小插曲，其實我冇嬲架！只係覺得個心有啲唔舒服。。。不過算啦！我知佢都係冇心咁講∼但我真係好驚你成日話我架。。。因為每一次你話我，我個心都會好痛，兼且會好想喊。。。
分類: 我們的生活點滴 |
