中秋節眨吓眼就過咗∼今日又要7點起身返工。。。連續兩晚都冇人同我講 goodnight ，真係覺得唔習慣同失落！
有人今朝一醒咗就 whatsapp 我，仲陪我傾咗一陣添∼我返到公司同埋佢 lunch�H時候，佢又打電話俾我，我真係好開心架，因為我哋呢兩日都冇乜點講嘢，我真係好掛住佢，啲人今日響電話到同我講，叫我今晚去接佢，因為佢想見到我∼
今晚收工之後，我哋五隻嘩鬼約咗韓燒，好耐都冇見過喇！今晚我同 Louisa 一齊坐，雖然平時冇乜聯絡，但我哋兩個一見到面就會傾唔停，真係好開心架。。。我哋兩個仲約咗下星期三我返世貿時，佢過嚟探我添，嘻嘻∼
到咗八點我就即刻趕去銅鑼灣接啲人，啲人帶我去香港仔！響車�H時候，我哋講開小三。。。我就問佢係咪有？因為呢段日子當我揾佢時，無論佢係響屋企定響街，佢都好耐都唔覆我！加上以前無論我 tag 佢啲乜，佢都會睇，但依家佢直情唔睇，我真係覺得驚∼不過佢發誓佢無小三！
陪佢食完嘢，我哋就去咗行一陣，有人帶我去百佳同惠康，啲人見到我望住啲雪糕雙眼發光時，佢諗住買俾我架！不過我唔捨得買。。。因為真係太貴，而且我亦諗住減肥∼我想瘦啲咁就可以靚啲，我想佢會因為有我而自豪，我想佢會覺得自己女朋友靚，我想佢會愛我多一啲……最後佢買咗兩包菜同生果俾我，其實咁我已經覺得好開心！
分類: 我們的生活點滴 |
