今日返銅鑼灣。。。真係好，可以瞓晝啲啲∼醒咗之後，見啲人冇揾過我，有少少失望∼因為我真係好掛住啲人！
今日啲人放半晝，佢下晝忙住交收冇乜點揾我，兼且仲要病咗。。。所以佢話今晚唔接我，話響屋企等我！收工返到去，我就 whatsapp 佢，但等咗一陣佢都冇覆我，嗰一刻我唔知應唔應該等佢？我就打電話俾佢，點知啲人一聽到我把聲好愕然問我做乜？原來啲人瞓著咗∼我當然叫佢唔好落嚟，由佢繼續瞓！
返到屋企爸爸整嘢俾我食，食完嘢同低能仔 whatsapp 啲人原來未食嘢，不過咁夜佢唔俾我買嘢俾佢食∼坦白講我邊有咁聽話，嘻嘻。。。呢頭應承完佢，轉頭就換衫落去買嘢佢食，為咗想肯定佢冇瞓到，我就叫佢陪我 whatsapp ，上到去啲人開見到我呆咗。。。仲抱起咗我，哈哈！住得近真係好∼
今晚服侍佢食完嘢，就幫佢按摩咗一陣，有人攬住我瞓。。。今晚佢講咗一句說話我好深刻，佢話我癡身咗啲，但就對佢好好∼雖然呢句說話�H上半部有啲好似嫌棄我咁，但聽埋下半部又真係幾開心�H！低能仔，我唔捨得你病咗之後要捱餓，其實無論幾多點都好，只要你餓，我都會一樣買嘢俾你食架！因為你對我好重要∼
分類: 我們的生活點滴 |
