尋晚家姐就去咗韓國喇！我可以自己霸一間房，終於都可以開住冷氣一覺瞓到天光，真係爽呀！
今朝有人 send 咗個 whatsapp 比我，佢將首“七百年后”放咗上 YouTube ，但可惜睇唔到。。。唔知呢個係咪天意呢？唔通連個天都唔想我哋好似“七百年后”咁？
整完指甲之後，我就落銅鑼灣等低能仔，不過佢有嘢傾，所以遲咗出嚟。。。佢三點先出到嚟揾我！其實等佢�H時候，我已經有啲唔舒服，背脊同個頭都好痛，點知同低能仔食完嘢之後，我又開始咳得好緊要，最後低能仔帶我去睇醫生！醫生話我氣管炎，兼且個背脊同頭呢排成日都痛，係因為頸椎有問題同發炎，但幸好只係食消炎藥，唔使食抗生素！
睇完醫生就一齊搭車返去，佢就返屋企做埋啲嘢，而我就買餸返去煮飯俾佢！低能仔，對唔住呀∼我食咗啲藥好攰，所以今晚先冇乜嘢講。。。
分類: 我們的生活點滴 |
