尋晚又係不知不覺咁瞓咗，瞓到咁上下我隱約聽到 whatsapp 響過，不過我已經冇力拎起個電話睇，好快又再瞓番。。。
今日返寫字樓，又要7點起身返工，起身�H時候覺得有啲暈暈哋，有一刻我真係想請假，但最後都係撐住返工，因為我唔想接唔到低能仔收工！呢幾日食咗啲藥之後，成個人好吽，兼且集中唔到精神。。。尋日就落錯車，今日已經進化到上錯車∼唉。。。呢兩日�H車費都好貴呀！！
Maggie 今日過咗嚟，佢同我講 Jason 返番嚟做，但就係返 Luna ∼依家我要經常兩邊走，我知道終有一日會撞到佢！突然覺得有啲唔知點咁，好怕依家擁有緊�H寧靜同幸福，又會再一次因為呢個人而改變！
今晚收工後，我就落咗旺角幫家姐拎嘢，然後就再返銅鑼灣接啲人收工，今次我都係上咗佢到等佢∼佢有位同事好好，見親我都會同我打招呼！今晚食完飯，我陪佢等交收，其實我食咗啲藥後，個人已經攰到冇乜反應，但當佢同我行 Loton 同賣手機配件�H時候，當我行開咗又或者係佢話要去洗手間時，原來佢係喱埋一邊禁電話，我離遠見到�H時候，個心真係好唔舒服，坦白講話無亂諗嘢都係呃人∼可能因為最近佢�H改變令我亂諗嘢，曾經只要係我放上或者 tag 佢Facebook or Instagram �H嘢，佢都一定會留意，但依家我 tag 佢�H嘢，最終只會石沉大海連睇都唔再睇，甚至有時我 whatsapp 佢都。。。。因為呢啲改變，令我覺得好唔舒服，好怕唔知係咪有人已經取代咗我∼
共你笑望過去的 注定于一天相識
是偶遇 那一章不太特殊
一天我心 失去支柱
你決意阻止我再輸
共你笑望過去的 一些所得所失
是際遇 記憶真太特殊
這一天 回味各種奇遇
你亦同闖凄風冷雨
知不知你的真心意
沒道謝我也深知
我說我一生 最精彩只得一次
從開始 暗地裏我感激天意
在這天 直至這生走遍
也想你攜手沖過終點
甚至他生再遇見 仍想起今天
便約定相依身邊
這天 直至那一天
也想你攜手 沖過終點
甚至他生再遇見 仍想起今天
便約定相依身邊
分類: 我們的生活點滴 |
