今日返寫字樓，一早起身就整嘢返工！上咗車之後，條頸同個頭又開始好痛，我已經食咗粒特效止痛藥，但無好過不特止，仲越嚟越痛∼最後我頂唔順要早退！
收工之後，有人帶我食完嘢就捉我睇醫生，醫生話我頸椎發炎，幫我打咗針，兼且開咗好多藥俾我食。。。食完啲藥好辛苦，心跳好快同手好震，成個人好吽好似唔屬於自己咁！
睇完醫生就陪啲人去整嘢，差唔多到佢�H時候，佢就叫我行定去地鐵站等佢，然後再去九龍塘交收，但我企咗半個鐘都未見到佢，加上食咗藥不停出冷汗，所以個人有啲暈暈哋∼點知原來啲人自己去咗交收冇同我講，由我企響到等。。。嗰一刻我有少少憫，因為佢連響搭緊地鐵，抽小小時間話我知都冇。。。我明白佢驚我慢，怕我會拖累佢∼但其實一開始我根本冇諗過要跟埋去，一直都係諗住響旺角等佢，只係希望佢做人有番啲交帶，同想佢知道，我以為有啲嘢你好急要，我就跑過去撳機，最後我跑到哮喘抖唔到氣，先發現原來係唔需要！
可能因為吸過哮喘藥，個頭越嚟越實，越嚟越諗唔到嘢。。。所以今晚我好靜∼我哋去咗朗豪坊食飯，之後買完嘢就搭車！我已經攰到頂唔順瞓著咗∼好想一世都有人攬實我瞓！
分類: 我們的生活點滴 |
