♡我們的四十一個月♡
今日係我哋拍拖四十一個月，我哋下晝先約咗響旺角等，一見到佢我就攬實佢同嗲佢，有人攬得我好實，種感覺好實在！
臨出去之前，我一直同自己講我要我哋開開心心，今日無論佢玩電話甚至掉低我去交收，我都冇黑過面，因為我想同佢一生一世，要一生一世�H唯一方法就係遷就，只有雙方互相遷就，我哋行�H路先可以更遠、更長！
雖然係打風前夕，但今日天氣好好，就好似我哋一樣∼好耐都冇試過咁嗲佢，陪佢睇嘢、揾嘢時，我都拖實佢、攬實佢！佢亦冇因為睇自己嘢而冷落我，相反比以前攬得我更實。。。
食完晚飯之後，啲人開始好吽，我好擔心佢，因為佢對手由見面開始已經好熱。。。但佢又話冇事∼又帶我去買定乾糧比我，怕聽日打風我冇嘢食！返到嚟仲諗住帶我去海怡睇戲，就係想我開心，不過我話要返屋企，我知佢已經好攰，加上我想俾番啲私人時間佢，唔想成日癡實佢令佢覺得我煩！
個傻佬終於都進步咗，因為返到屋企佢 whatsapp 我話唔舒服，我好擔心佢。。。好後悔冇跟佢返屋企，如果唔係我就可以照顧佢！
希望聽日全日都打風，咁佢就可以休息一日，因為佢已經個幾月冇放過假喇！
分類: 我們的生活點滴 |
