今日要返工。。。又係返寫字樓！尋日8号風球，已經預咗今日做到隻狗咁∼邊個叫自己尋日放假放咁開心吖喇！今日要一次過還番晒比公司，嗚嗚。。。
今日返貨，但因為尋日打風，機場好多人等 pack up ，最終我哋響公司真係等了又等，原本應該收早，到最後要 OT ，收工後即刻趕返香港仔同家姐食生日飯！
今晚食泰皇宮，好耐都冇食過喇！我食得好飽，飽到覺得個肚裡面條多春魚好似想游番出嚟咁！爸爸聽到我咁講笑到咔咔聲∼食完飯同媽咪買埋電話，我就趕番嚟見啲人！
今晚啲人好奇怪，佢每隔一陣就問我搭車未？落車未？直到我返到佢樓下，我先知啲人原來想比驚喜我，但點知我已經落咗車要等番佢轉頭！其實我今日好攰，不過我堅持上佢到，除咗因為我想見多佢幾面外，我仲想幫佢按摩∼我知道佢都一樣攰！幫佢按摩完我就返屋企喇。。。
今晚唔知點解我抖氣好辛苦呀∼
分類: 我們的生活點滴 |
