尋晚我哋兩個好早好早就瞓咗。。。終於可以一齊瞓（妄想中）今朝又差唔多時間一齊起身∼不過我就係準時起身，而啲人就係遲到，哈哈。。。
今日返觀塘，又係 hea 住咁過一日，響公司上足9個鐘頭網，個人有啲癡癡哋。。。有人今日好 sweet ，我響 IG cap 咗張圖俾佢，話佢知尖沙咀有大大與小妹本簽名版賣，我估唔到佢會專登由石門落尖沙咀買俾我架！雖然唔係簽名版，但我已經好感動∼
有人今晚嚟咗接我收工，我好開心∼我哋響 apm 食飯，食完就行咗陣一田，有人話要買小食俾我，不過我冇買到，因為有大大與小妹，就唔可以扭買嘢食嘛！今晚我哋過得好開心，有人陪我玩，陪我睇書，又俾我嗲。。。其實我對拍拖嗰味嘢真係好簡單，只要有你響身邊就足夠∼好想你都睇晒呢本書，或者你睇完會更明白我！
我真係覺得我哋好似大大覺小妹咁架！
分類: 我們的生活點滴 |
