今日臨時改咗返銅鑼灣，可以瞓到十點先起身∼不過醒咗之後，鼻水又流、個頭又痛同熱，仲要咳番添。。。我諗我冷親呀！
返到公司一陣，已經有人打電話俾我，真係好！個傻佬知我病咗可能係佢傳染我，即刻好緊張。。。其實我係想要呢種感覺！下晝一直都好忙，忙到四點幾先食飯，返到去又做到隻狗咁∼眨吓眼就見到啲人接我收工，有人問我拎嘢飲時，知道係個客買嚟送俾我，就問我送俾我�H係咪男人？點知佢知道之後，即時唔飲仲自己走過隔離買。。。😂
收工後有人帶我去睇外套，其實睇到件黑色好靚，佢諗住去俾錢架！不過我死都唔要，雖然件外套唔係好貴，但我唔捨得要佢買，假如係買俾佢我就冇所謂∼今晚好特別，啲人好似對我特別好，特別温柔。。。打成兩個電話俾我，又要好嗲我喎！我真係覺得好 sweet sweet ♡
分類: 我們的生活點滴 |
