尋晚明明好攰。。。但都瞓唔著！成個腦陣係諗住低能仔∼期待電話會響，會有每日一篇�H出現，結果當然係冇啦！
今日返銅鑼灣。。。又可以晏啲先返，而啲人就放假∼我落到街食早餐�H時候，啲人打電話俾我，佢話我唔叫佢陪我食早餐喎∼其實我好想架！但見佢尋晚又冇提起，我以為佢唔會想同我食，點知啲人即刻落嚟揾我，我梗係嗱嗱臨去買多份早餐啦！真係好，一早就見到佢∼
今日返工都忙同多嘢做，好快就食飯！啲人知我放飯就打嚟陪我傾咗一陣。。。低能仔，我好鍾意今日咁嗲�H你！收工之後有人嚟咗接我，我哋去咗食大餐“麥當當”！個傻佬叫咗好多嘢俾我食，全部都係我最鍾意食�H嘢，坦白講食乜都冇所謂，最緊要係你笑住同我一齊食！不過我又痛番得好緊要喇。。。
食完嘢我哋就行咗陣∼我發現到咗依家，我都仲係好鍾意嗲佢買嘢食，但每次嗲完就算，到佢諗住買俾我�H時候，我又放番低拖佢走！其實每次嗲佢買嘢食我都好開心，一來見到啲嘢食已經好興奮，二來就係每次咁樣，佢都會陪我癲同氹我∼講真我又點會捨得要佢買吖！
聽日就係二人世界喇！有人話同我補祝番生日，我好期待∼
分類: 我們的生活點滴 |
