今日係第二日返學，個人好攰。。。因為尋晚一來個腦不停重覆返學�H嘢，二來媽咪搞到成家根本冇得瞓，所以個人勁攰∼
今日返學都算順利，學�H嘢都有興趣，今日學�H係按摩，仲要係手同眼�H按摩，因為低能仔成日呢兩 part 都好攰要我按摩，但我成日都怕整痛佢，搞到我唔係好夠膽幫佢整🙄所以今日我特別專心去學，咁樣將來都可以幫佢按摩啦！
放學之後，我嗱嗱臨執番好自己啲眼耳口鼻，就去等啲人收工！有人今晚一見到我就攬實我。。。有佢攬住種感覺實在好多！今晚我哋食完嘢就去食雪糕，其實啲人唔俾我食架！因為我又咳同喉嚨痛，但我又扭計要食，結果啲人就話俾一啖我食，仲話俾我食小小個筒，不過我冇食到個筒，走去食咗啲雪糕，嘻嘻。。。其實有時咁扭吓計，詐吓嬌咁，都好開心架！食完雪糕，啲人要我一定要飲感冒茶，之後就帶我搭車返屋企，啲人要我乖乖哋返去温書，應付聽日考試！
有人今晚不停重覆一句說話，佢叫我聽日只要盡咗力就得，唔好俾咁大壓力自己，就算唔得都唔緊要，因為食粥食飯都係靠佢！低能仔，我知你唔想俾壓力我，多謝你呀！😘😘😘
分類: 我們的生活點滴 |
