今日好凍呀。。。又落雨喎！幸好啲人放假，咁就可以唔使一早起身，仲可以瞓晏啲添！真係好羡慕呀。。。
今日下晝好忙，因為要我哋自己做一個療程。。。我終於都知自己問題響邊！我應該係太大壓力同緊張，所以到做�H時候覺得好吃力，個腦好似一片空白咁！雖然 miss 話做得好，但其實我知仲有一段距離∼miss 今日問我係咪開始覺得自己行錯路？佢話覺得我吸收都快，不過信心唔夠，兼且覺得我俾自己太大壓力。。。坦白講，我真係覺得好辛苦，唔係做嘢辛苦，而係壓力令我抖唔到氣！
今晚啲人響銅鑼灣等我，一見到佢其實我想流眼淚架！或者因為太掛住佢同個人扯得太行，放鬆唔到所以好想嗲佢！點知佢個樣怪怪哋，原來啲人發緊燒。。。。我擔心到死呀！結果食飯�H時候，我逼佢要食兩粒退燒藥，兼且仲買咗感冒熱飲俾佢返去飲！
傻佬，你要乖乖哋著多件衫，唔好再冷親喇！每次你病我都會好心痛，我唔想你有事。。。你有事�H話，我下半世點算？我仲要同你一生一世架∼我依家為我哋將來努力緊，你都要為咗我錫自己多一啲呀！
分類: 我們的生活點滴 |
