今日都係要返工，仲要上堂∼不過今日有小小特別，因為有個傻佬朝早陪我食早餐，我落到去梗係做番個廿四孝女朋友啦∼買定早餐等啲人落嚟就有得食。。。食完早餐啲人帶我買嘢飲俾我返工飲，仲要送埋我去搭車添！其實我唔捨得啲人，好想同啲人一齊，好想攬實啲人，同啲人一齊去玩呀！
今日上堂好開心，因為有另一個 Miss 教眼按摩，佢教得好過 Cindy ，而且我亦冇之前咁大壓力∼我只係想學好啲幫啲人按摩，因為呢個會俾之前嗰個眼按摩更好，做到更深層同即時睇到效果！
有人今日竟然氹我，放咗一張相上網，問我願唔願意陪佢行落去？其實一直以嚟我都好想同佢行落去行到老∼我個心一直都只有佢一個人，咁多年裡面，都好愛好愛呢個人！由見到佢第一眼，我陣係想同佢有愛情同麵包。。。
今晚收工有人嚟接我，我好開心架！因為返咗嚟呢到咁耐，啲人第一次嚟接我咋∼仲帶咗我去食雲吞麵，好好味呀！我哋仲行咗一陣先返去。。。不過我好攰，所以我冇上到佢屋企！
分類: 我們的生活點滴 |
