今日第一日返工，好早就起身∼但尋晚因為太緊張，所以瞓得唔好！基本上冇乜點瞓。。。可能因為未接觸過呢行，好驚好似 IM 咁，所以先瞓得差，成晚都揸實咗個拳頭瞓😭今朝醒咗就好攰好攰！
返到去除咗個經理係女人之外，基本上全部都係男人。。。幸好個個都對我好好，見我忙都會幫我手，仲同我傾計，時間都過得快啲咋！
有人都好 sweet ，驚我返工會好似之前咁唔開心，專登 whatsapp 同我講，假如遇到啲咩唔開心都要話佢知，等佢氹番我喎！睇到之後其實我好開心，因為佢未試過咁，嗰一刻我真係覺得好幸福！
收工之後，我去完旺角交收，就趕返去銅鑼灣接啲人，不過等咗好耐，我好攰，而且今晚見佢由另一邊行過嚟，唔知點解有少少擔心，擔心佢唔知係咪揾另一個😣我哋食完飯之後，啲人帶我去行街，仲買 mini eggs 俾我做復活節禮物😍我最愛就係 mini eggs 😘😘😘返到去我見佢去百佳，我又跟埋去，其實我唔係想扭你買嘢食，只係我想癡住你多一陣咋……
分類: 我們的生活點滴 |
