今日返早。。。七點又起身返工！尋晚收夜，成兩點先瞓，今朝咁早起身，個人真係覺得好攰！不過一諗起收工就見到啲人，就覺得好興奮！
今日響公司嗰個男同事問我手上帶�H介指係咪結婚介指？我答佢唔係。。。佢再問係咪訂婚？嗰一刻我諗都冇諗就答係∼其實我咁答唔止因為我想避開佢，而係我都好想真係可以同啲人訂婚，兼且我都認定咗嗰個係佢∼不過唔知啲人知道咗我咁講之後會有乜諗法，會唔會覺得我亂講呢？
今晚收工我哋約咗響 K11等，因為我想帶啲人去試 Luna 嗰個 Crun Bar ∼我換定等啲人嚟，不過我冇試到嗰個抹茶味😞因為我張 coupon 只限換原味，我唔捨得買俾自己，假如買俾佢就冇所謂∼
響 Luna Cafe 我見番 Boss, Irene & Nick 。。。當日辭職�H時候，我少少唔捨得都冇，但今日我有少少懷念∼或者因為 boss & Irene 都對我太好，所以我先咁啦！
啲人嚟接我之後，就帶我去食嘢，跟住仲同我行街同買紫菜卷食😋我哋之後就返屋企，不過啲人又開始心不在焉，我真係好擔心佢。。。佢咁樣其實真係一種病態，我好驚佢再係咁會有事！依家�H佢就好似當日媽咪啱啱開始精神緊張�H時候咁∼我唔知可以做啲咩！
低能仔，我真係好擔心你，你唔好有事呀！我真係好驚好驚。。。
分類: 我們的生活點滴 |
