今日一早十點就起身整嘢，諗住搞掂就叫啲人起身，點知啲人成十二點先起身。。。懶瞓豬！
今日我哋本來想去銀座，但唔知點去，最後去咗東京駅同涉谷∼今日買咗好多嘢😝我就買得爽，不過啲人就可憐喇！因為佢做賓仔，哈哈。。。響東京駅大出血之後，我哋就去涉谷，嚟到呢到個應該好啱啲人，因為呢到起碼除咗嘢食之外，仲有其他嘢啱佢睇同玩。。。我唔想佢陣係陪我行嘛！
今晚我哋去咗食燒肉放題，好艱難先揀到一間啲人滿意∼雖然冇大阪嗰間咁好食，但只要係同啲人一齊，我就滿足！食完嘢我哋去咗夾公仔，啲人一心想夾隻大 kitty 俾我，但我見到有蛋黃哥，梗係要呢隻啦！因為我都想啲人開心吖嘛😍夾到蛋黃哥之後，有人仲夾埋隻玉桂狗俾我。。。一諗要點帶番香港就有啲頭痛😂😂😂
分類: 我們的四週年甜蜜之旅... |
