今日係響東京第三日，心情好沉重。。。有啲事我從來都冇諗過會發生響我身上，我知道我接受唔到，我難過到一滴眼淚都流唔出，陣係想食煙😭😭
今朝我如常起身整定嘢叫啲人起身，搞掂啲嘢之後，我哋就去台場∼台場係一個好舒服、好靚�H地方！我真係好鍾意，不過由於時間唔夠，我哋冇行晒啲嘢就趕住走喇！
今日終於都去到小丸子cafe，但同我哋想像中有出入。。。不過我都好開心呀！因為響香港唔捨得食，嚟到可以食到真係好興奮😍我最愛就係小丸子！
夜晚就去咗浸温泉，第一次響日本浸温泉，真係好舒服，嗰到又要好靚喎！加上啲人著咗浴袍又幾靚仔�H😍希望我特登安排呢個温泉，會對啲人有幫助！
浸完温泉，我收到個壞消息，即時令我心情差到不得了，好難笑得出😭原來表弟響21号嗰日，響加拿大跳橋自殺走咗。。。細個我哋幾個都成日一齊玩，雖然佢移民咗過加拿大之後，我哋冇成日見，但其實我依然好錫佢！依家佢選擇咗咁樣離開，我真係接受唔到，我亦望住佢 fb諗番好多嘢，點解要咁傻？點解要選擇呢個方法😭😭有冇人話我知係假架？
分類: 我們的四週年甜蜜之旅... |
