尋晚好夜先瞓。。。結果今日瞓到十二點先起身！今日東京�H天氣天陰陰，好似我�H心情一樣∼
今日我哋去咗池袋行咗陣，但啲人突然間又黑面，我唔知可以點？因為我心情都好差，我今日其實已經用最大努力去扮冇嘢，但面對佢突然咁，我已經唔知可以做乜！
夜晚我哋去揾佢媽咪食飯，佢媽咪今日生日，扮到好靚靚！呢兩次響日本見佢媽咪都相處得幾好，令我更加想對佢媽咪好啲∼好想佢媽咪以後都有人照顧！今晚食飯佢媽咪誤打誤撞叫咗杯酒俾我，其實咁仲好，可以令我放鬆一吓。。。今晚我真係笑得好吃力！食完飯我哋返咗新宿夾公仔，有個日本人夾完隻大公仔之後，送咗俾我呀😱我覺得好驚喜，因為我都幾鍾意隻公仔架！
表弟，我好掛住你！我以為醒咗之後，會發現一切都只係惡夢，但原來唔係架！你真係用咗最大�H勇氣離開咗我哋，我越嚟越擔心婆婆、阿妹、媽咪同舅父佢哋，連我都難過到流唔到一滴眼淚，更何況係佢哋呢？我一直都唔明白點解你有勇氣選擇離開，但唔用呢個勇氣去面對呢個世界？你知嘛。。。失去你，有好多人都會生不如死，冇辦法去面對同接受，點解咁傻呀？今朝我想揾你自殺�H新聞，但我揾極都揾唔到，我個心真係好痛！
分類: 我們的四週年甜蜜之旅... |
