尋晚啲人又瞓到打風咁，我冇乜點瞓，朝早我十一點起身，個人超攰呀！而啲人又瞓到唔願起身，結果成十二點先醒，成點先出去！
今日我哋去銀座，個傻佬職業病發，要返去 Sony 到睇吓！其實可以同佢行佢鍾意�H嘢，我覺得好開心，因為旅行就係要去大家都想去�H地方架嘛！
不過響銀座都有唔開心�H事發生咗，啲人唔止望女，仲要影埋相俾我發現，嗰一刻我好嬲架！因為我覺得我自己已經吸引唔到佢，所以佢要偷影第二啲女仔，兼且我覺得佢唔尊重我，其實我有好多嘢都可以忍同就佢，但呢一樣我真係接受唔到！嗰一刻我真係有諗過既然自己接受唔到，繼續落去係咪錯架呢？
夜晚我哋去番台場，啲人要買個睇中咗�H喼。。。濕平完食埋飯我哋去咗睇夜景，但可惜我無論做乜同講乜都係錯�H時候，我真係唔知點算！
去完台場，我哋返咗新宿夾公仔，玩完之後就去7仔買嘢，當我揀完嘢行番去佢到�H時候，我見到佢好驚咁收埋部相機，而前面有個著短裙�H女仔，我知道佢又偷影。。。響的士我話想睇番今日�H相，但佢死都唔肯，我知道我冇估錯。。。嗰一刻我真係覺得佢好陌生，同一直以嚟我識�H佢好唔同，究竟呢個先係真正�H佢？定還是佢變咗呢？抑或佢根本已經唔再愛我所以先咁？之後我一直都再冇講過一句嘢∼
分類: 我們的四週年甜蜜之旅... |
