尋晚返到屋企已經點幾，搞埋啲嘢三點幾就不知不覺瞓咗，冇啲人瞓響隔離雖然冇俾人打，但就真係好唔習慣∼瞓醒第一個唔係見到個爛瞓豬，而係爸爸。。。我好想見到佢！
今朝雖然好眼瞓同攰，但我都堅持起身同爸爸飲茶，話晒成個禮拜冇見，我好掛住佢架嘛！食完嘢就去買餸同買嘢煲涼茶俾啲人。。。
今晚返咗阿麻到食飯，阿麻響我響東京第一晚，同我視像時已經問定我想飲乜嘢湯？今晚真係煲咗我最愛�H蕃茄魚湯，超好味！而姑姐又買咗一大堆化妝品俾我😂😂今晚真係又食又拎呀！
啲人收工就返咗嚟，我煮完啲嘢就過咗佢到，我好掛住佢。。。而個傻佬就買咗雪膠返嚟俾我，其實我今日食咗好多雪膠，因為孻叔又留咗雪膠俾我，我真係要減肥喇！
今晚啲人食完飯就一齊睇大結局，我哋一路食響東京買返嚟�H嘢一路睇，但俾我發現我專登揾俾佢嗰盒嘢，佢拎咗去做手信😞嗰一刻我承認我諗佢唔知送俾邊個，因為佢要買返公司�H嘢都已經計好晒😣或者我咁諗係因為。。。唉！！唔好有另一個😣亦唔好鍾意另一個可以嗎？
分類: 我們的生活點滴 |
