今日瞓到十二點幾就俾婆婆叫醒咗，婆婆驚我攰想俾我繼續瞓，不過我真係好擔心佢，所以我一定要起身去睇吓佢。。。
我帶咗婆婆去飲茶，婆婆殘咗好多，原來佢成個星期都冇點瞓過，一合埋眼就見到表弟對住佢笑，佢一路講一路流眼淚，我見到佢咁個心好痛∼我唔知可以點做？
陪咗婆婆一陣，我就去買餸返屋企，原本諗住個傻佬尋晚食咗辛辣麵，今晚就煮響日本買番嚟個拉麵，點知個傻佬話要同我一齊食先食∼正傻豬！唯有煮番辛辣麵啦！我再整埋炒菜、芝士竹輪玉子燒同雞扒∼
今晚整嗰個玉子燒令我諗起響東京俾佢試真正玉子燒�H味道嗰個樣，個傻佬一直都唔知我為佢整�H玉子燒，其實係為佢特別調味，我好想佢永遠都記得呢種味道！
今晚佢收工就返咗嚟，有人好似特別温柔，兼且真係帶番我買俾佢嗰盒嘢返嚟∼佢好似好鍾意今晚�H晚餐。。。食完飯仲同我一齊食雪膠，我哋只係見咗一陣，我好想可以癡住佢！
分類: 我們的生活點滴 |
