假期永遠都係咁快完結，今日又要返工喇！不過依然好攰好攰~尋晚成晚都瞓得唔好，不停咁發惡夢😪😪瞓吓醒吓，好似冇瞓過咁。。。今朝搭地鐵嘅時候，有人打電話俾我，我嗰一刻以為自己發緊夢，同時又好愕然，因為佢好小會咁早揾我。。。但都開心嘅！

今日返到公司已經有嘢做，因為我想朝早做晒啲嘢，等下晝可以抖吓。。。不過最折磨嘅應該係俾張床你瞓響到，但唔可以瞓著覺😵😵簡直係人生最悲哀嘅事！

食飯嘅時候我打俾啲人，我見佢十分鐘前 whatsapp 我話食飯，我以為佢得閒，不過佢冇聽到電話，雖然好失望，但好快就冇事。。。今日同啲同事一齊響公司食飯，佢哋食晒我煮嘅嘢，而且仲話低能仔好幸福，望住佢哋好滿足嗰個樣，我響到諗唔知低能仔食我煮嘅嘢又會唔會咁呢？

今晚啲人要去影相，我收工已經散晒，返到去買咗啲餸就煮定聽日 lunch 俾佢，煮完之後諗住可以瞓響到唔郁，點知家姐又要我整兩份泡菜玉子燒俾佢返工，煮完更熱更攰😴但都撐住等啲人返嚟。。。好掛住你，你幾時返呀？