終於都星期五喇。。。返埋今日又可以抖兩日，不過下星期考試，個人好似放鬆唔到咁∼尋晚又係好早瞓咗，不過都係瞓得好差，成晚發夢都係幫人按摩😞我應該好快癲！

今日收工之後，我就落銅鑼灣等啲人，做咗成日嘢其實已經有啲攰，之後企咗40分鐘等佢，我已經開始冇乜力。。。不過唔緊要啦！見到佢我就開心∼

今晚食完飯行咗陣，我見佢咁攰就話返屋企，不過。。。有時我寧願佢坦白咁答我話好！總好過佢講說話啲語氣好似有骨咁😞我聽完之後就再冇出過聲喇。。。其實我今晚咁想佢陪我，係因為今日係表弟嘅生忌，我好掛住佢∼

突然好驚聽日我哋都會係咁。。。