尋晚都係攰到不知不覺咁瞓著咗，雖然都係瞓得好差，但總算可以瞓到十點幾先起身，不過依然都係好攰∼

今日同啲人拍拖去街，我哋去咗旺角食完嘢同買嘢，就同佢去大圍交收∼雖然有小小無奈，因為我想同佢行吓同去玩，但唔緊要啦。。。佢開心就得！

夜晚就去美食節，其實我好期待同佢去，因為上年我哋去嘅時候係好開心架！四圍食嘢又係咁玩，我以為會好似上年咁，我哋都會食得好開心架~不過…

今晚我哋好早就走，我一直都冇講嘢，我陣係諗或者我同佢去係錯，因為佢覺得人多而唔會 enjoy ~或者以後呢啲節目我都可以唔諗同佢去喇！返到嚟我哋就各自返屋企。。。