今日放假喇。。。啲人十一點幾就叫醒我，我去李娟睇埋皮膚敏感之後，啲人就帶我去玩喇！今日過咗一日好開心嘅假期∼

今日我著咗一套我因為佢而買嘅衫，我揀呢套衫嘅時候，我覺得佢會鍾意，同會有 surprise ，啲人一見到我嘅時候，就問我做乜著到咁？有人話鍾意其他人咁著，但就唔鍾意女朋友咁著。。。雖然佢口嗰句咁講，但佢今日對我超細心，會得閒睇吓我件衫有冇整起？然後幫我整翻好，好似驚我會俾人睇蝕咁，好冧呀😍

今日我哋去咗好多地方，晏晝啲人帶去灣仔我唱 K lunch ，我玩得好開心，我好鍾意聽到啲人唱歌，好似個小粉絲咁∼因為真係好好聽，特別係我的男人唱你的男人時😍真係超好聽！如果下次可以玩耐啲就好！

唱完 K我哋就去觀塘，啲人想帶我去APM到睇我想睇嘅展覽，臨去之前，我自己上咗舊公司，其實我都掛住嗰到，上到去同阿容傾咗一陣，好開心。。。跟住就去揾翻我嘅 bb chu！APM好多人，個展覽多人排到我哋都冇睇到，只係四圍行四圍食嘢，夜晚就返去旺角行吓！

響旺角啲人都開始攰，所以我哋返咗海怡食夜晚，之後行埋百佳我哋就行返去！行返去嘅時候，啲人開始唔彩我喇😞唔知我做錯啲乜呀。。。對唔住呀！