今日係放假日，原本諗住好好瞓一覺，點知由8點幾開始不停咁屙，結果比起平時返工，我只係瞓多咗30分鐘😔而啲人就開心，一瞓瞓到下晝兩點幾🙄🙄真係爽！

今日我哋三點幾先出街，本身啲人諗住帶我去觀塘同將軍澳，但我見個天好黑，好驚夜啲會好大雨，我唔想佢淋病，所以我哋近近哋只係去咗銅鑼灣！出到去我哋食咗個超好味嘅下午茶，仲要係 outback 😍真係好抵同好好食！我哋仲去咗 gogogo 。。。我知啲人返工壓力大，所以想同佢去玩，等佢可以放鬆啲！

玩完之後我哋又係搞到好唔開心，我一直以為過一陣會好啲，但原來係唔得架！我覺得個假期只係得我一個咁，我望住我有我行，佢有佢行，我個心好唔舒服，不停深呼吸唔俾自己啲眼淚流落嚟~直到去到灣仔，我忍唔住同佢講叫佢自己返去，我想行一陣😭我真係諗住走咗去以後唔再理佢，我真係唔想自己只係排後面😞我都想感受俾人重視嘅感覺，付出得多有時都會覺得好攰，我好想佢明白我已經好攰！最後佢氹我跟佢一齊返屋企…

其實我真係好珍惜同你一齊嘅時候，亦好珍惜你。。。我都想你都會一樣！