今日放假喇。。。不過尋晚好夜瞓，今朝又好早起身，加上最近真係好忙，所以個人其實仲好攰！而啲人我就俾佢瞓晏啲，我想佢抖耐啲，所以就晏啲先出去∼

我哋今日成四點先出街，出到去我哋去咗食我最愛嘅上海嘢，之後又買串燒食😍啲人仲買埋椰子糖俾我添呀！夜晚我哋就去咗揾大大與小妹，啲人買咗風車同咕𠱸俾我，小妹仲響風車上面寫咗句幸福快樂俾我哋，我真係希望我同啲人可以好似呢句幸福快樂咁一直到老！

其實今日我過得好開心，我發現我依然好似當初咁，好鍾意望住啲人，或者因為我覺得我好好彩，可以揾到我嘅大大，仲要咁靚仔😌（不過啲人成日以為我係監視囉！）但唔知點解每次當佢秒回變返黑面同唔講嘢，我就不知所措。。。我好怕呢種感覺😥