今日係一連四日嘅復活節假期嘅第一日，亦係我連開四日早嘅開始！啲人就爽啦。。。可以放咁多日假！

今日成日都不在狀態，因為啲藥攰到死。。。。雙眼根本睜唔大！幸好用埋張 lunch尾咭，可以早走一個鐘，收6點同啲人食飯行街！

今晚啲人好準時咁響樓下等我，我哋響中環行番落灣仔，唔算太熱同太凍嘅天氣係最舒張，啲人同我去利東街食飯同濕平，種感覺好似返番日本咁，或者因為今年最遺憾係唔可以同佢開開心心咁過呢個假期，所以總係好想揾番失去咗嘅感覺！

今晚返到屋企，我一直響到諗五週年同佢去澳門，但家姐話假如澳門個價錢都要三千幾蚊，點解唔去台北玩三日兩夜？嚟個台北美食快閃團？其實聽落好吸引架。。。因為我真係想同佢可以嚟多個甜蜜之旅2018，好想彌補番大阪嘅唔開心！