尋日收夜，今日返早，呢種追更嘅生活其實好攰，不過幸好一返到公司已經有 booking ，基本上係由返工做到收工，時間眨吓眼就過，做晒啲客搞埋5月嘅 booking 就已經收工喇！

今晚啲人早咗收工，我哋食完飯就去咗行一陣，有人帶我去睇電話，又同我行我想行嘅嘢，行咗一陣我哋去鴻初堂換埋湯就搭車返去，因為啲人聽朝要早起身，兼且夜晚又要去開演唱會，所以就早啲返去∼低能仔，你記得整番熱啲湯飲呀！同埋聽晚玩得開心啲∼記得掛住我呀！