今日放假，尋晚好夜先瞓，今朝又好早起身同爸爸飲茶，跟住又同家姐去旺角，食咗藥之後，其實個人好攰。。。
行到三點幾，啲人就出嚟接我，我哋就去咗食一餐好豐富�H下午茶，跟住我哋就去行街∼不過啲人隻手唔係好舒服，心情唔多好！但我有体諒佢。。。
有人今日送咗部相機俾我，我想要好耐架！啲人仲 sweet 到買咗部同佢一樣�H相機俾我，雖然唔同色，但佢話係情侶相機嚟架！好想去到台灣可以拎住部相機，同佢四周圍影相，咁就可以有多啲話題，有共同興趣！而我本來想買番對鞋俾佢，不過佢拖我走唔俾我買…其實為咗佢我做啲乜，付出啲乜都冇問題架！我只係想佢開心♡
今晚我哋冇一齊返屋企，因為佢要返婆婆到，佢想我陪佢去架！但我見我哋兩個都攰，我唔想佢同我都一齊黑面，最後搞到唔開心，所以我選擇不如各自各走，咁就唔使搞到破壞大家感情啦！我只係希望同佢繼續咁愛大家∼當然有時都要氹吓我（唔係物質上�H氹🤣）
分類: 我們的生活點滴 |
